إزاي أبدأ في مجال تجربة المستخدم UX؟
أول خطوة كان أننا نوضح 4 مفاهيم ونفهمهم كويس وهما:
1- الفرق بين UX و UI
2- الفرق بين التقنيات و الأدوات
3- هل تصميم UX علم أم فن؟
4- سمات مصمم UX
و بعد ما وضحنا المفاهيم دي في ال 4 بوستات اللي فاتوا
هنبدأ الخطوة التانية
وهي التعلم
التعلم ليه أشكال مختلفة:
1- التعلم بالسمع – فيديوهات ومحاضرات وندوات ولقاءات
2- التعلم بالبصر – الإستلهام inspiration أو مايسميه البعض (التغذية البصرية)
3- التعلم بالقراءة – كتب ومقالات ودراسات وابحاث
4- الكورسات – حضور كورسات أونلاين أو أوفلاين
5- التدريب العملي – في الشركات أو حضور ورش عمل في UX
6- تبادل الخبرات – من خلال جروبات المهتمين على السوشيال ميديا وقراءة دراسات الحالة
وأفضل كورس للمبتدئين علشان تبدأ هو :
كورس جوجل Google UX Certificate
وهو عبارة عن 7 كورسات
كل كورس خطوة كويسة ناحية التمكن والإلمام بمجال UX
وفيه أنشطة عملية لكل مرحلة من مراحل UX بتعملها بنفسك
وفي النهاية بتحصل على 7 شهادات (شهادة لكل كورس)
بالإضافة للشهادة النهائية
والكورس في إمكانية دراسته مجانا عن طريق التقديم للحصول على الدعم المالي من كورسيرا.
إن شاء الله في البوستات الجاية هنتكلم عن كورس جوجل بالإضافة إننا هنتكلم عن أمور كتير تخص مجال UX ومراحل التصميم بشكل فني وعلمي وبتفاصيل أكتر.
ده كان آخر بوست في : سلسلة التعرف على مجال UX
كمدخل وأساسيات لبداية رحلتك في مجال تجربة المستخدم.
شكرا لمتابعتكم وأتمنى تكونوا استفدتم من السلسلة دي ونلتقي في موضوعات أخرى إن شاء الله.
