اتكلمنا في البوستين اللي فاتوا عن:
ايه هو UX؟
وأهمية UX؟
في البوست التالت ده هنتكلم عن :
مراحل تصميم تجربة المستخدم UX Process
وده شكل بسيط للبروسيس اللي بنمشي فيها علشان نصمم منتج يرضي المستخدم..
والعملية بتكون 3 خطوات ( البحث – التصميم – الاختبار ) وكل خطوة فيها تفاصيل وربما مراحل زي البحث كده :
1. البحث RESEARCH
عرفنا أن البحث هو أول مرحلة في مراحل تصميم تجربة المستخدم
واللي بيقوم بيها اسمه UX Researcher
واللي مطلوب منه:
يكون عارف أهداف البزنس من وراء هذا التطبيق
ومعلومات عن المستخدم المستهدف وسلوكه
وأفضل الحلول المناسبة ليه
طبعا ده بعيدا عن التخمين والافتراضات
علشان نوصل لنتائج واقعية وفعلية
ومش مجرد تخمينات أو وجهات نظر ممكن متكونش واقعية.
ومن خلال البحث والتحليل
يقوم الباحث بتدوين الملاحظات والنتائج اللي وصل ليها
فيبدأ يوصل لأفضل الحلول لتحقيق تجربة ايجابية للمستخدم
طبعا بناءا على النتائج اللي وصل لها
الباحث ده طبعا بيكون ليه تقنيات وأدوات للبحث وللوصول للنتائج المطلوبة دي.
وعملية البحث بتتكون من 3 مراحل :
- المرحلة الأولى: Empathize
- المرحلة التانية: Define
- المرحلة التالتة: Ideate
المرحلة الأولى: Empathize
وهو انك تحط نفسك مكان المستخدم
تفهم احتياجاته
وتفهم الأفضل ليه
وتتعاطف مع احتياجه أو مشكلته
وبالتالي هتلاحظ المشكلة من وجهة نظر المستخدم
وهتعرف توصل للمشاكل وتفهمها.
المرحلة التانية: Define
بعد التعاطف هنقهم احتياجات ومشاكل المستخدم
هنقدر نحدد المشاكل والاحتياجات والمتطلبات
ودي المرحلة التانية
مرحلة تحديد المشكلات.
المرحلة التالتة: Ideate
بعد تحديد المشكلات
هتيجي المرحلة التالتة من البحث
وهي وضع الافتراضات
واقتراح أفكار للحلول.
2. تصميم نماذج للحلول PROTOTYPE
بعد مرحلة البحث
اللي من خلالها حددنا المشكلات واقترحنا حلول
تيجي المرحلة التانية
وهي مرحلة تصميم نماذج للحلول
مبنية على ما وصلنا إليه من نتائج في مرحلة البحث
وهي عبارة عن نموذج مبدئي للتصميم.
اللي هي Wireframes و Prototype يحاكي التطبيق تماما.
3. الاختبار TEST
بعد تصميم نموذج للتطبيق
تيجي مرحلة الاختبار
وهي أن يتم اختبار التطبيق المبدئي وهل هو مناسب للمستخدم
فيتم اختيار مجموعة من المستخدمين وهم ضمن الفئة المستهدفة
ويقوم كل مستخدم بإستخدام التطبيق
مع ملاحظة كيف يتم الاستخدام
وهل هناك أي عوائق أو صعوبات تعرض لها المستخدم
هل كان من السهل للوصول لهدف المستخدم
وهكذا يتم تدوين هذه الملاحظات
حتى يتم تحديد إذا كان هناك حاجة للقيام بمجهود بحثي إضافي
أو القيام بتصميم نموذج آخر يحتوي على تعديلات مناسبة للمستخدم.
تحياتي وإن شاء الله في البوست الجاي نتكلم عن :
إزاي تبدأ في مجال UX؟