Competitive Audit مراجعة وتحليل المنافسين

عبارة عن دراسة ومراجعة للمنافسين اللي في نفس مجالك أو نفس السوق بتاعك، بتحليلهم ودراسة أدائهم ومنتجاتهم وخدماتهم وكمان مواقعهم اللي بيستخدموها وحساباتهم الاجتماعية والتسويقية وبناخد منها فكرة عن استراتيجياتهم ونماذج عملهم ونقاط القوة والضعف عند كل منافس.

الغرض من الـ Competitive Audit هو إنك تعرف ايه اللي بيميز المنافسين عنك وتحاول تستفيد من الأفكار والتقنيات اللي بيستخدموها وتعمل علي تطوير نفسك وتعزيز قوتك في السوق.

COMPETITIVE AUDIT IN UX DESIGN

في مجال تصميم تجربة المستخدم (UX design)، الـ Competitive Audit بيشمل دراسة وتحليل تجارب المستخدمين لمنتجات المنافسين اللي في نفس مجالك، زي:

1. دراسة تصميم واجهات المستخدم (UI) وتحليل استخدامها وتجربتها للمستخدمين.
2. دراسة محتوى الموقع الإلكتروني أو التطبيق للمنافسين، وكيفية تنظيمه وتصميمه لجعله يسهل استخدامه والتفاعل معه.
3. مراجعة استراتيجيات تجربة المستخدم وتحليلها لدى المنافسين ومدى نجاحها.
4. تحليل قنوات التسويق والترويج وأدوات التفاعل والتواصل الاجتماعي للمنافسين وكيفية استخدامهم لها.

الهدف من الـ Competitive Audit في مجال تصميم تجربة المستخدم هو: تحليل تجارب المستخدمين لمنتجات المنافسين وتحديد أفضل الممارسات والأساليب الناجحة اللي ممكن استخدامها في تصميم وتطوير تجربة مستخدم أفضل لمنتجاتك و خدماتك.

مثال عن الـ COMPETITIVE AUDIT في UX DESIGN

لو عايز تصمم موقع إلكتروني لشركة بيع ملابس، هتحتاج تعمل Competitive Audit عشان تشوف المواقع اللي بتبيع ملابس زي اللي بتبيع ملابس لنفس الفئة اللي انت عايز تستهدفها، زي موقع تشيب مول، جوميا، نون، أمازون أو غيرهم.

هتعمل دراسة لتصميم الموقع وطريقة استخدامها للمستخدمين، وتحليل الأساليب اللي بيستخدموها في تصميم صفحات المنتجات والمحتوى والترويج للخدمات، وكيفية تنظيمه وتصميمه بشكل مميز وجذاب للمستخدمين.

هتشوف كمان استراتيجيات تجربة المستخدم وتحليلها لدى المواقع المنافسة، زي استخدامهم لأساليب معينة في التفاعل مع المستخدمين أو طرق معينة في تقديم المنتجات والخدمات.

خطوات الدراسة:

• مقدمة:

في البداية هتشرح فيها مفهوم الـ Competitive Audit وهدفه، وكمان تعرف فيها عن المنافسين اللي تم دراستهم وتحليلهم.

• تحليل التصميم وتجربة المستخدم:

هتشرح فيها تفاصيل التحليل اللي قمت بعمله لتصميم واجهات المستخدم للمواقع المنافسة، وكمان تحليل لتجربة المستخدم لمواقعهم، وبرضه التحليل اللي عملته لطريقة تنظيم وتصميم المحتوى والترويج للخدمات.

• تحليل أدوات التفاعل الاجتماعي:

هتشرح فيها تفاصيل التحليل اللي قمت بيه لأدوات التفاعل الاجتماعي اللي بيستخدمها المنافسين، و إزاي بيستخدموها.

• الاستنتاج:

هتكتب فيها النتائج اللي وصلت ليها من خلال التحليل والمقارنة بين المواقع المنافسة، وكمان هتعرض الأفكار والأساليب اللي يمكن تطبيقها على موقعك.

• التوصيات:

هتقدم فيها توصياتك الخاصة بتصميم الموقع أو التطبيق وكيفية تحسين تجربة المستخدم بناءً على الدراسة والتحليل اللي قمت بيه.

• المراجع:

هتذكر فيها أي مصادر استخدمتها في التحليل والتقرير زي احصائيات أو أرقام أو دراسات وخلافه.